თოჯინების მუზეუმი

ჩვენ შესახებ

მუზეუმი იქნა დაარსებული 1937 წელს, შესანიშნავი საბავშვო მწერლისა და პედაგოგის თინათინ თუმანიშვილის მიერ. თავდაპირველად იგი მოთავსებული იყო საბავშვო ბაღის ორ ოთახში, ხოლო შემდგომ რამოდენიმე წელი მდებარეობდა პიონერთა სასახლის შენობაში. თოჯინების გარდა თავდაპირველ კოლექციას შეადგენდა თოჯინების ჭურჭელი, სათამაშოები, წიგნები და ხელნაწერები. რთულ 90-იან წლებში, ე.წ. თბილისის ომის მოვლენათა დროს მუზეუმი იქნა გაძარცვული: დაიკარგა 24 თოჯინა, ჰოლანდიელი, ფრანგი და შვეიცარიელი ოსტატების ნამუშევრები. შედეგად კი, ის იქნა დაკეტილი დამთვალიერებელთათვის 15 წელზე მეტი და ისევ გააღო თავისი კარები სტუმრებისა და თბილისის მაცხოვრებლებისთვის მხოლოდ 2008 წელს.

თანამედროვე მუზეუმის ფონდი ითვლის 3000 ექსპონატზე მეტს. ეს არის თოჯინები XIX-XX საუკუნის, ინდოეთიდან, იაპონიიდან, ბევრი ევროპული ქვეყნიდან. ფონდის მნიშვნელოვან ნაწილს შეადგენს ქართველი მხატვრების მიერ შექმნილი თოჯინები ერთ ეგზემპლარად სპეციალურად მუზეუმისთვის. მუზეუმის დარბაზებში წარმოდგენილია ასევე ეთნოგრაფიული თოჯინები, მარიონეტები, რთული მექანიკურ-მუსიკალური თოჯინები, დამზადებული ფაიფურისგან, ხისგან, სპილოს ძვლისა და გოგრისგან. თოჯინების ბევრ დეტალს შეიძლება შევუცვალოთ ადგილი: კოჭებს, ფეხსაცმელს, მუსიკალურ ინსტრუმენტებს და სხვას.

ექსპონატთა შორის ყურადღებას იპყრობს ისეთი თოჯინა-მარიონეტები, როგორიცაა ბედუინი, შეყვარებული თვითმფრინავი, გოგონა მარგალიტის საყურით და სხვები. ყველაზე საინტერესო თოჯინებია - მოძრავი, მექანიკური. ხშირად მათ გააჩნიათ საკუთარი სახელები, მაგალითად, პიანისტი ელისო, მარინე (თოჯინა, რომელიც უშვებს საპნის ბუშტებს). ქალთა ანსამბლი, ჩუგურზე დამკვრელები, ფლამენკოს მოცეკვავეები, ინდოელი ლიდერი, აღმოსავლური მოცეკვავე ან მოცეკვავე რუსული თოჯინა სვეტლანა - ყველა ეს და ბევრი სხვა უნიკალური თოჯინა მსოფლიოს 40-მდე ქვეყნიდან შეიძლება ვიხილოთ ამ მუზეუმში.

მუზეუმი მუდმივად მართავს დროებით ექსპოზიციებს თანამედროვე ქართველი მხატვრებისა, ატარებს საზღვარგარეთულ გამოფენებს, ორგანიზებას უწევს ფერწერის შესწავლას, თოჯინების ისტორიის ხელოვნებას და არტ-თერაპიის ჩატარებას.