ქალაქური

ჩვენ შესახებ

ქალაქური, განლაგებული თბილისის ისტორიულ ცენტრში, წარმოადგენს კომპლექსურ გასართობ დაწესებულებას. 2006 წელს გახსნილი, იგი დღეს ითვლება ქალაქის ყველაზე თანამედროვე ადგილად. ამბობენ, რომ სტუმრებს, რომელთაც სურთ გაიგონ რაც შეიძლება მეტი საქართველოს დედაქალაქის თანამედროვე ცხოვრების შესახებ, უმჯობესია გაემართონ ქალაქურში.

გარედან სამსართულიანი შენობა, რომელშიც განთავსდა რესტორანი, ლაუნჯ-ბარი და ღამის კლუბი, გამოიყურება არც ისე მიმზიდველად, იგი იქნა აშენებული ჯერ კიდევ საბჭოთა დროს, მაგრამ შესასვლელში სტუმრებს ხვდება კეთილმოსურნე შვეიცარი, რომელიც თავაზიანად მიგიყვანთ ლიფტთან. ღამის კლუბი მდებარეობს პირველ სართულზე და გვთავაზობს დიჯეი-შოუ-პროგრამას ხუთშაბათიდან შაბათამდე (საღამოს 10 საათიდან) და კვირას (საღამოს 8 საათიდან). სპეციალური აქცია ხუთშაბათსა და კვირას - ქალბატონები მოდიან თავისუფლად! აქვე არის ბარი, სადაც შეგიძლიათ დატკბეთ კარგად მომზადებული ყავით და მოუსმინოთ თანამედროვე მუსიკას დღის განმავლობაში.

რესტორანი ტერასითა და ინტერიერით, დეკორირებულ მაროკოს სტილში, ითვლება ერთ-ერთ ყველაზე ელიტურად თბილისში. უპირველეს ყოვლისა, განგაცვიფრებთ შესანიშნავი ხედები დედაქალაქზე, რომელიც იხსნება ტერასიდან, განსაკუთრებით საღამოობით, როდესაც განათებული ტაძარი სიონი, ეკლესია მეტეხი, ნარიყალას ციხესიმაგრე, მშვიდობის ხიდი, ავლაბრის რეზიდენცია ლივლივებს ყვითელ ფერებში, თითქოს ქარვაა.

რესტორანი ქართული და ევროპული სამზარეულოთი კარგი ქართული ღვინის არჩევანით მუშაობს ყოველ დღე შუადღიდან შუა ღამემდე. მაგრამ, სიმართლე ითქვას გურმანებისთვის, რომლებიც ოცნებობენ გემრიელ კერძებზე, არ ღირს ვურჩიოთ ქალაქური. თუმცაღა სტუმრებს სთავაზობენ კარგად მომზადებულ კერძებს ქალაქის არაერთ სხვა დაწესებულებაში, სადაც ამზადებენ უფრო გემრიელად, განსაკუთრებით კი ეს ეხება ქართულ სამზარეულოს. მაგრამ ქალაქურში არის ძალიან გემრიელი ხინკალი და მეგრული ხაჭაპური. ფასები კერძებზე საკმაოდ მისაღებია. ასევე უნდა მოემზადოთ ნელი მომსახურებისთვის - შეკვეთას არ მოიტანენ სწრაფად. ამავე დროს მომსახურე პერსონალი ძალიან თავაზიანია და გამაფრთხილებელი. ცოცხალი მუსიკა - ყოველ დღე 19:00 საათიდან.

მესამე სართული - ლაუნჯ-ბარი, ერთგვარი გედონიზმის ოაზისია თბილისში, და შესაძლებელია მთელს საქართველოშიც. ძირითადი აუდიტორია აქ - დედაქალაქის „ოქროს ახალგაზრდობაა" აიფონის ბოლო მოდელებით, აიპოდებით და სხვა თანამედროვე აქსესუარებით, გამოწყობილები მოდურ ნივთებში, თითქოს პარიზის მოდის კვირეულზე, მილანსა და ნიუ-იორკში იმყოფებოდნენ. ჭიქა ღვინით სასიამოვნო ატმოსფეროში დაჯდომა, კომფორტულ განტვირთულ გარემოში დიდ პლუშის სავარძლებზე, დამსვენებელ ხალხზე თვალყურის დევნებით, სასიამოვნო შთაბეჭდილებებით დამუხტვა... დიახ, რთულად თუ მოიძებნება თბილისში ადგილი ქალაქურზე უკეთესი. სტუმართა აზრით აქ საუკეთესო ნერგილეა თბილისში და საერთოდ ბრჭყინვალედაა შექმნილი აზიური ატმოსფერო, მგრძნობიარე მუცლის ცეკვის ჩათვლით. არის კარაოკე. ლაუნჯ-ბარი მუშაობს ყოველ დღე 12:00-დან 4:00-მდე.